بقلمي هلال البنا
.... ...... .......
العيد هل وهل العيد
قدس وغزه نار ولهيب
مانع الدوا والميه وقوتنا
ياخد بيوتنا ويموتنا
ولا حد قاله يا مجرم عيب
رد صواريخ على تل أبيب
هل العيد و العيد هل
وكام واحد في الدنيا سعيد
ده فرحان وده. ينذل
حلويات ولبس جديد
العيد فرحه بس فين رايحه
وعالغلبان مش هل العيد
جانا العيد والفرحه بعيد
ولا حد فاهم في المواعيد
والحاله واقفه والناس خايفه
ولا زيارات ولا تعييد
حظر. كورونا ومش تزرونا
كتر كلام ونعيد ونزيد
ييجي العيد ويعدي العيد
زي القطر ابو سكه حديد
ناس بالقوه راكباه جوه
وفي ناس فيه ريحين لبعيد
واحد جوه . وعامل فتوه
بيوزع عالناس ألاعيب
ييجي العيد وانقول وانعيد
نحسب وانعد ف المواعيد
واللي يفوت أحسن ميموت
ناس بتخس وناس بتزيد
ناس م اللحمه عندها تخمه
وناس م الجوع عاوزه الأنابيب
ييجي العيد شفت ام السيد
شفت ازاي زعلانه بتعيط
فينك يابني وفين جوز بنتي
معها حفيده ومعها حفيد
هل العيد والعيد هي عدي
وغايب السيد. فين هي عي يد
ييجي العيد فين الأعياد
وفينكي ياحاجه يام زياد
كنتي قريب ليه روحتي بعيد
ليه بقى بينكي وبيني بلاد
رزق العيد كان ليكي بيزيد
بس المرادي ليه مش زاد
ييجي العيد واللحمه بعيد
بيني وبينها حطان وحديد
نفسنا فيها فين نلاقيها
وشايفينها من خرم بعيد
حتى الفته عيش على شطه
والملخيه ناشفه حديد
ييجي العيد فينكم ياحجيج
والدنيا مليانه محاويج
كل دار عجزه وصغار
ومحتاجين يبلوا الريق
حبة شربه وسط الكربه
تروي الروح وتطفي حريق
ييجي العيد والنور بيقيد
زبعده الضلمه ليه بتزيد
ناس تنداس وناس تنباس
مش حاسين إن احنا ف عيد
ولا في الراس فهم وإحساس
بالغلبان ليه بالتحديد
ييجي العيد وعادات تقاليد
عاوز الناس تبوس عالإيد
عامل صالح علشان دابح
وهو السيد واحنا عبيد
أصل الغايب ومالوش نايب
بس ها ييجي في المواعيد
ييجي العيد فينك ياسعيد
ومحمود وأحمد وعب حميد
ودرش وطارق وسمير صادق
وازاي نفرح وانتوا بعيد
أصل البال وسط الأحوال
متعكنن مش حاس بعيد
ييجي العيد بس جي عجيب
والدنيا مليانه ألاعيب
ومصايب في كل طريق
حاجه تخلي الطفل يشيب
بدران عارف عبس. وعاطف
طاهر كاشف نظره عجيب
ييجي العيد بس جاي كئيب
طب ندبح فرخه أو ديك
أو كتكوت هيسد القوت
ونعمل فته يبقى رهيب
خليك حازم صقر ولازم
عب موعين بيحب نجيب
ييجي العيد وياريته يفوت
قبل ما يعمل حدثه يموت
وانعيط من غير مانعيد
ولا ناخد منكم غير صوت
مين راح ينقص مين هيزيد
مين هيعدي ومين هيفوت
ييجي العيد بس ليه جاي ناقص
وابيعمل في السكه حوادث
متلخبط في الكل بيخبط
عامل زي قطر سوارس
مين راح يرسم مين هيشخبط
مين محروس ومين الحارس
ييجي العيد فين موادينا
ليه خد منا وما بيدينا
طلع روحي وطلع عيني
ودو وخنا ودوخ أهالينا
دوخت بنادي ومين يناديني
وناس دايخين م اللف علينا
ييجي العيد ويعدي العيد
وكام واحد ف الدنيا سعيد
والعيد فرحه بس فين رايحه
ولا فرخه ولا لبس جديد
فينك يا حمد عني بعيد
وعبدالله ازاي هي عي يد
؛؛؛؛؛؛؛؛ ؛؛؛؛؛؛؛؛؛ ؛؛؛؛؛؛؛؛؛
جانا العيد واهو فات العيد
ولا حد فاهم في المواعيد
والحاله واقفه والناس خايفه
ولا زيارات ولا تعييد
حظر كورونا و مش تزرونا
كتر كلام ونعيد ونزيد
والعيد هل. وهل العيد
قدس وغزه نار ولهيب
مانع الدوا. والميه وقوتنا
يا خد بيوتنا ويموتنا
ولا. حد. قاله. يا مجرم عيب
رد صواريخ على تل أبيب
......... ......... .........
بقلمي هلال البنا
ليست هناك تعليقات:
إرسال تعليق