بقلم الشاعر فهمى محمود حجازى
أنا قلمي عليه اللوم
مخاصمني وحبره كتوم
ترك بيته فى حي الشعر وقال مكلوم
لاأنا قادر عليه بالشرح ولا أصرخ وأقول مظلوم
وأفكاري وأوراقي شكوا قلمي بقالهم يوم
ولما صاحبنا علم بالشكوى هرب منا وقال مهموم
ورحناله وقولناله ماتزعلشي وكان زعله عليه مرسوم
وقال أنا بكتب بإحساسك ومش بكتب بدون مفهوم
وحبري بيجري فى دمك وإحساسك ليا كان معلوم
كتمت عليا إحساسك وجبت عليا الغلط و اللوم
وأنا عمري مابكتب شئ ماهوش مفهوم
دأنا صوتك وأنا حسك وأنا اللي ف بحرأشعارك عشقت العوم
بقلمى فهمى محمود حجازى
ليست هناك تعليقات:
إرسال تعليق