( محكيّة وجع)
.. جيل خمس نجوم..
قالوا الدنيا دوّاره
والدنيا قسمة ونصيب.
بنتي صارت ختياره
عقلها ملّاه الشيب.
بحكيها بالمستقبل
وكيف بتبني حياتا
بتقلي عقلا بالسوق
متلا متل رفقاتا
تياب وأركيلة وجوّال
يادوبو ماشي هالحال
صرنا مضحكة الجهّال
ما بنعرف شو يعني العيب.
من أوّل عمرو هالشب
بيدخل بِسرداب الحب
رح يبقى معتر هالقلب
ومو عارف بعلم الغيب.
ياولادي حاجي استهتار
وخفة عقل ليل نهار
نحنا بهالدنيا زوّار
الدنيا مُ مصروف الجيب.
.. محمد عزو حرفوش..
ليست هناك تعليقات:
إرسال تعليق