محكية بين صديقين.... للمبدعة ساحرة الحرف إنصاف قرقناوي

محكية بين صديقين..

قلو يا رفيقي..

شو حلو إنو عليها تغار..

و قلبك ع غيابا يشعل نار..

و كرمال عيونا الحلوين..

كلماتك بوصفا تحتار..

نيالو لقلبا بغرامك..

ياللي كتبتلو أحلى الأشعار..

رد و قلو..

يا رفيقي الحب هيدا متل المي..

بتشرب منه و بتقول خي..

ليش دخلك في أحلى من الفي..

وقت ال بتحس قلبك والع نار..

إي والله بقلبا مغروم..

يسلملي تما المرسوم..

ولا مشيتها المتل الغزال..

خلتني غني موال..

و كرمالا رح إسهر بالليل..

و قضي معها كل النهار..

#إنصاف_قرقناوي