الله يسعد صباح الجميع بالخير والسلامه . بهالظروف الصعبه لازم عالأقل ننشر الإيحابيه والسرور على قدر الإمكان
..............دلعونا.................
على دلعونا وعلى دلعونا
نحنا غادرنا أم الزيتونا
..............
جينا من (السويدا) حتى نحييكن
ياأهل ( الرقه.). نتغاوى..... فيكن
مع( دير الزير ) ربي يحميكن
نحنا حبينا نجي نلاقيكن
وإذا تأخرنا ةة لاتواخذونا
....................
حب (القامشلي) بقليبي ساكن
فيها الأحبه بكل الأماكن
ورودك حزيني والبرعم جانن
تايفتح فيكي بزهرو الحنونا
................
(حلب ) ياغالي جينا نغنيلك
يام القدود الحلوي تلاحينك
ضويتي قلبي بشمعة قنديلك
وياللي بتحبوا اوعى تجافونا
.....................
شط( اللاذقيي) صافي مياتو
يسلم حبيبي يسبح جواتو
وقلبي عابعدو كثرت آاااهاتو
وياللي بعدتو لاتجنينونا
................
(طرطوس) الهايم فيها فؤادي
اللي بيزورا بيعبدها عبادي
عيون الحبايب فيها السوادي
وقامي ممشوقا لاتسحرونا
...................
(حما ) الناعوره والقلب الصافي
مية العاصي فيها العوافي
نيال السائح عليها لافي
كأنو بيتو وإمو الحنونا
...................
( حمص)العريقه فيكي أحبابي
فيكي الثقافي وفيكي الرتابي
اني جاييلك تاشوف اصحابي
وانصف الدبكي نغني دلعونا
....................
(شام) الحبيبي ياسمينك عاطر
واني عابوابك محبوبي ناطر
منها القوافي( ونزار) الشاعر
أغلى مديني بكل المسكونا
................
(حوران) الحلوي الجاره الكريميي
نحنا منحبا وهيي عليمي
انشالله بتضللا دوما" سليمي
وتنادي يالا تعوا زورونا
....................
جيتك (ياقنيطره) ياحب اللولو
جولان الصامد غالي محصولو
الي بيقرب صوبك منطولو
ونحرق سلافو للبيعادونا
...................
(سويدا) الحبيبي تسلم عليكن
ورود المحبي جايي تهديكن
نحنا حبينا نجي نلاقيكن
اخوه حبايب تعوا شرفونا
...................................
فهد كرباج أم الزيتون السويدا
سوريا...في.. 28. 11..2020
ولكم كل الود والمحبه والإحترام
...................
..................
ليست هناك تعليقات:
إرسال تعليق