( رح إستغل الوقت )
قبل الصدق مَ يخم ع لسان الدجل
ونهر الحقيقة يجف تبكي السوسني
وقبل اليأس مَ يفوت من باب الملل
وضهر الأماني من المآسي ينحني
والعندليب يهاجر يموت الحجل
أو يهتري الموال ويصدّي الغِني
وقبل الحزن ما يكبر ينخ الجمل
وتبقي ع خمر الآخ متلي مدمني
رح إستغل الوقت برّات الخجل
تا خبرك بالشوق إني ها السني
زرعتلّك بحقل الزجل قمح الغزل
انشالله السني بيكون هالموسم جني
ونحصد بمنجل حب بستان الأمل
والملتقى عا بيدر الحلم الهني
مازالك خلقتي إلي منذو الأزل
بقينا سوا من وقت عهد الولدني
قلب العشق كل ما غفي رح فيّقو
وإنتي معي دخلك شو فيها هالدني ؟
د . عيسى فضة
ليست هناك تعليقات:
إرسال تعليق