وللحديث بقية ( من قصص السابقين)...للمبدع هلال البنا

وللحديث بقيه
هلال البنا في
أيام الحج
من قصص السابقين
نستكمل رقم ١٢
.........................
كل السحره لله سجدوا
وقالوا آمنا برب  الكون
جن جنون فرعون وهامان
وصلبوا السحره على الجزعان
وقطوا  الرجل خلاف الإيد
و آمنوا السحره   بالتوحيد
هامان  كل مكان وزمان
يصنع آلهة  البهتان
ب الأهوال   والهيلمان
وخيال وهمي في كل مجال
ونشر الظلم في كل مكان
لاجل يسوق الناس بلجام
وعالألسنه  حاطت  أقفال
والمعقول ممنوع  تقول
إما تقول واتكون مسجون
وإما يقولوا عليك مجنون
وقارون  كان يقرب  لهارون
و موسى  ومن عيلة عمران
وعنده المال  وبخيل، ودون
وخزاين  وكنوز  ملايين
نكر  النعمه  وكان  ملعون
وقال  انا شاطر  قوي وعليم
و المفاتيح بيشيلها  رجال
دهب  وفضه  كتير  ومال
ورد على موسى بإستكبار
ويقول  ده  شغل  الشطار
وتاخده العظمه  ولستهبال
ربنا  يخسف  بيه  الدار
ويبقى  جزاء  الإستهتار
ونرجع تاني  للملعون
فرعون لسه طايح في الكون
وآيات من  رب العالمين
معجزات موسى لفرعون
دم وضفاضع قمل سنين
وموسى بيدعي بس لمين
ويطلع موسى واصحابه هربين
و الملعون واصحابه جايين
واصحاب موسى يقولوا هالكين
و موسى يقول ربي  هايهدين
وفلق  البحر  بعصا  نصفين
وعبروا  وشافوا موت الظالمين
وعاشوا ف سينا واكلين شاربين
وأمر الله  روحوا  فلسطين
خافوا  وقالوا مش  داخلين
الناس  فيها  جبارين
وعقاب  ربك  بالتوهان
وعاشوا تيهين في الأرض  سنين
و نستكمل في المره الجايه
وللحديث لسه بقيه
وانتظروني يا محترمين
هلال البنا