رسمتك
رسمتك فى الهوى إحساس
ومشاعري ملكتيها
جعلتك للحياه أنفاس
بتنفس وأعيش بيها
وشلتك ع الجبين والراس
وافكاري أسرتيها
وقلبي كما الكراس
سطورها أنتِ اللي تمليها
حروف ب الحب والإخلاص
فؤادي يعيش معانيها
وينبض قلبي بين الناس
ودقاته حنين ليها
وعيوني لها حراس
واتوه من نظرة فى عنيها
ورموشها ع العيون نبراس
والنن دنيا بأعيش فيها
ولوسالتوا أنا ليه بحتاس
ساعة ما بشوفها وألا قيها
ترد عليكم الأنفاس
أنا بحيا واعيش بيها
بقلمى فهمى محمود حجازى
ليست هناك تعليقات:
إرسال تعليق