بقلمي هلال البنا في
خدعه
.... .... ....
قوللي مين بس اللي قالك
نفسي اكون العمر جنبك
وللا قلبي لسه عاوزك
خونت ليه وخلفت وعدك
................
متصدقشي حد ظالم
نفسه تبقى العمر نايم
وانا فاهم وانت فاهم
ف الخداع ماشفت زيك
................
متصدقشي حد جالك
جاي يقولك وانت مالك
قصده بيزود ضلالك
وإن انا ممكن أحبك
.................
متصدقشي حد أهطل
مش بيفهم أو مغفل
كرهي لك بيزيد ويفضل
ولا يمكن يوم أسامحك
........ ...........
متصدقشي كل كدبك
وأي حد بيمشي جنبك
بيطمنلك دق قلبك
ويبررلك كل ذنبك
..................
متصدقشي مره إني
كان منايا مره قربك
أصل كرهك جوه قلبى
والخيانه جوه دمك
.................
متصدقشي حد غيرك
وانت عارف مات ضميرك
والضمير لو مات ياويلك
راح يكون أسود مصيرك
..................
متصدقشي حد خايب
هو ده مكر التعالب
والمكير مالوش ضمير
والصريح بالصدق غالب
...................
متصدقشي حد ضدي
في الضلال شغال تحدي
وبالهيافه هو هايف
ياضلال الجهل عدي
.................
متصدقشي عقل صدا
راح زمانه وفات وعدا
والرصيد نافد أكيد
مره جاب ومره ودا
..................
متصدقشي وخد كلامي
والخساره فيك محامي
والتحيه مني ليا
أصلي واثق من سلامي
.................
مش هادوس عليك واذلك
ويكفي عندي كسر نفسك
غير كده ولازم أقولك
في النهايه كله منك
..................
الغلط والذنب ذنبك
والنتيجه بعد كدبك
م البدايه. للنهايه
والسبب من كتر عندك
........................
بتعاندني لازم اعاندك
والبعاد والبعد. عنك
في المصالح كله واضح
جد. حقيقي مش هغشك
.......................... .
الخيانه فعل. واطي
مش هسامح مش هطاطي
والنداله في أي حاله
مش هسامحك يوم وفاتي
.................................
حد يوم يضحك عليك
أو. يغميلك. عنيك
إني لسه قلبي فاكرك
وانا من زمان نسيك
...........................
إللي باع صاحب الخداع
والمخادع باع. و ضاع
خبت فيك مش هشتريك
روح يا شيخ من غير وداع
................................
متصدقش حد. قالك
نفسي اكون العمر جنبك
وللا مره قلبي. حبك
خونتني وخلفت وعدك
...................
خدعه
بقلمي هلال البنا
ليست هناك تعليقات:
إرسال تعليق