أنا الصامت
أنا الصامت وصراخي جوه في حشايا
أنا البركان ولهيب ناره فى سمايا
أنا اللي شربت كاس المر ويخرج شهدها ثنايا
وبتألم وما أتعلم وبرسم ألمي ضحكاية
تخفف ع الحزين الهم وأنا حزني بلا نهاية
بوزع ع الجميع الحب برغم تعبي وأسايا
وراسم ع الشفايف فرح ودافن حزني جوايا
ولا بشتكي م الهم مدام معايا مولايا
وقانع بالقليل ما أهتم عشان ربنا معايا
بقلمي فهمى محمود حجازى
ليست هناك تعليقات:
إرسال تعليق