محاورة بيني أنا محفوض محفوض وبين الشاعرة سعاد محمد
~~~~~~~~
سعاد :
حبيبي طال هجراني و بعدك
و هالقلب ما نسكن قبلك وبعدك
السنونو عاد عبلادو و بعدك
غريب وغربتك نار وعذاااااب.
محفوض:
تنام الناس و عيوني ما نامت
و ياما شفت عالفرقه منامات
و يا ريتك وردة بجنينه مانمت
لأسقي بحجتك كل العشاااااب
سعاد:
رسولي روح لحبابي حماماي
قبل ما يصيبني بجسمي حمم مي
وكتر ما فيك يا عاصي حما مي
ما طفا نار قلبي عفراق الحبااااب .
محفوض :
رسولي روح للمحبوب قلو
يا أهل الوفا بهالأيام قلو
سمعتو همس قلبي وقاال لو
نرجع نلتقي يا كل الحباااااب.
سعاد :
برجع بس عليي ما تشوف حالك
أنا حبيتك و جيتك بليل حالك
يا الله يا محفوض قوم حلك
نلتقي بعرس المحبه و الحباب.
محفوض :
أمانه/ي يا حمام الدوح نحلي
هجرها كان من أسباب نحلي
مانسيتك . .
وكل ما شفت عالوردات نحله
تذكرني بروس وجناتك و الرضب .
بقلمي محفوض محفوض مع الشاعرة سعاد محمد.
ليست هناك تعليقات:
إرسال تعليق