،،،،،،،،،،،،،،،،،،
حروف الشعر شو صاير تا قلّوا
يما ال كاتبينا ب صدق فلّوا
وطيف العتم غطى عالمنابر
وفلّو ا قمارنا ال. فوقا تجلّوا
يا خوفي تكون فضيت هالمحابر
ال بحبر احساسهم دوماً تملّوا
وبعد ما فل قسم من الاكابر
يا ريت اللي بِقوا الحاله تولّوا
قبل ما الشعر يدفن بالمقابر
ندهوا ال نُقاد هل عنّا تخلّوا
بلكي. بيرجعوا من زمن غابر
وشوف حروفنا ب عطرُن تحلّوا
ورجعوا يعمروا فيها قناطر
حلّو يعود وقت. الشعر حلّو
اليي مده اهالي الذوق خابر
عن اللي رخّصوا الحرف وماغلّوا
ومش وحدي انا اللي هيك صابر
مثلي كثار بيصلوا تا ترجع
انشالله الشعر. بيعود ل محلّو
،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،
راضي مشيلح
ليست هناك تعليقات:
إرسال تعليق