احبتي اسمحوا لي اكتب بهذه الطريقة من الشعر:
قالت لي بتشرب قهوة
قلتلا من دياتك
والقهوة قهوة سادة
ليش حطيتي صبيعاتك
قالوا عنك ست الكل
وجبينك بدرالي هل
وخدودك ياسمين وفل
حلوه انت وخياتك
شو هاالحلا ياام غناج
وع صدرك يلبق ديباج
ياما حرقتي قلوب ومهاج
كل مازدتي غنجاتك
قالوا عنك مزيونة
قلب كبير وحانونة
كوني موضع ما تكوني
بس تكوني بحالاتك
انت الي حبوكي الناس
حتى الخالي من الاحساس
وعيونن صارت حراس
اوعا تزيدي دلعاتك
إن زدتي بهاالدلعات
بتزيد عليكي اللحظات
ورح بيقولوا كات وكات
ولا بينغفروا ذلاتك
بقلمي/أبو باسم عيسى عيسى/
ليست هناك تعليقات:
إرسال تعليق