/ يا حضرة القاضي / محكي
يا هالدني حاجي حكي فاضي
انكب العتم عا صفحة بياضي
واتخربطوا الألوان والدوزان
حاجي عن الآلام تتغاضي
ما عاد فينا نحمل الأحزان
وما ضل عندي غير أمراضي
سرقتي العدل وتكسّر الميزان
ولسّا بعد عم تسرقي اغراضي
الماضي رحل من جوبة الحرمان
الحاضر أنا وشو خصني الماضي
البيهمني بكرا يجي الإنسان
حامل أماني بجعبتو وراضي
لاتقول كنّا وكان ياما كان
وجايي ع كيفك تحكم تقاضي
متل اللي ماشي بزحمة النسيان
وعايش ع كوكب إفتراضي
مأكد إنت غلطان بالعنوان
ارحمنا بقى يا حضرة القاضي .
د. عيسى فضة
ليست هناك تعليقات:
إرسال تعليق