عايش على الماضي
************
انا اتولدت عجوز
عايش في دنيتكم
كما الاراجوز
ليه دايما الحق في
الدنيا دي خسران
والباطل هو اللي
فيها يفوز
تقدر تقولي مين
اللي بيقولوا عليه
محظوظ
ولا تقولي ايه الحرام
وايه المباح ويجوز
ولا سبب انك بتضحك
في وش ناس وهما
أعوذ بالله عليهم بوز
من يوم ميلادي ومكاني
في المقبرة محجوز
عشان كده أنا
من ولادتي عجوز
************
كان نفسي اعيش
في دنيتي في سلام
اكون آمن في نهاري
وفي ليلي اعرف انام
واشوف أُمّتِي تقود
الركب بكل مبادىء
الإسلام
وتعطي الحق لأصحابه
واشوفها محققة الأحلام
اشوفها شمعة منورة
في دنيا كلها ظُلاّم
والاقي كل اللي احتاجه
وقت ما اعوز
*************
اشوفها أمة بتتصدق
وبتزكّي
ولا يبقى ولا واحد
ولا واحدة نايم يبكي
أمة كلها لله قامت له
ليلها من ظلمها تشكي
تلاقي خير ربنا بركات
من السموات ونصر
تعيش أجيال عليه تحكي
أمة بتنفق ما تبخلش عشان
عارفة إن الجباه والجناب والضهر
هتتكوي بكل مال مكنوز
**************
أمة لما تحافظ على دينها
تعيش في سعادة
جميع ايامها وسنينها
أمة تقيم العدل في كل أركانها
هي دي الأمة اللي عاوزينها
أمة تلاقي القسط في
كل موازينها
أمة بتاكل كل الأمم من خزاينها
وتلقى رغيف مخبوز
***************
حمدينو الشهاوي
ليست هناك تعليقات:
إرسال تعليق