ليل مهضوم
ناطر ع الدرب
متل شجرة سنديان..
ريحة عطر من تيابك
ياخدني وراك بليل
سكران..
بليل مهضوم قفل
بابو ع غفلة وشلح
مفتاحو نعسان..
نام الليل مهموم
ع همي متل الطفل
دبلان..
وأنا عم دقدق بواب
والليل سكر بواب
الجيران..
مدري الحلم هجرني
و تركني ع درب
سهيان..
مدري القمر أنت
والحرف بعدو ع تمك
بأول سطر من زهر
نيسان..
ولك أي ناطرك
لاتنسي هالقلب
متل زهر اللوز ابيض
لبس الفستان..
وبالحقيقة متل شقائق
النعمان ع كتف الجرد
زهر لحدود لبنان..
و بعدو هالقلب
ناطر منك مرسال
ولو صار ختيار ..
نبيل قزي
ليست هناك تعليقات:
إرسال تعليق