للزجال حج هلال
تستكمل رقم. ١١
في أيام الحج
..... ..... ...... .....
ورث داوود راح لسليمان
ملك ونبي وعلوم وإيمان
والقوة وتسخير الجان
ورياح تجري في كل مكان
ولغة الطير والمخلوقات
يسمع نمله بتقلي بيان
للنمل ادخل جوه قوام
علشان جاي جند سليمان
هيحطمكوا ولا عالبال
فتبسم منها سليمان
وراح يشكر رب الأكوان
و سليمان بيمر عالجيش
ويتمم على جنده تمام
فين الهدهد ليه ما يجيش
لازم أعرف غايب فين
إما عذاب ونتف الريش
أو الذبح بالسكين
قال الهدهد لسليمان
جيتلك باللي ماتعرفوش
ناس عاملين الشمس إله
والملكه إسمها بلقيس
يسجدوا ليها من دون الله
عندها عرش وزيه مافيش
قاله روح بكتاب الله
ولازم يكون قدام بلقيس
إما يخشوا في دين الله
أو راح نيجي بأكبر جيش
قالت ردوا عليا بسرعه
نعمل إيه وقولولي يا ناس
قالوا نبعت أغلى هديه
دهب وفضه ومال وماس
قال انا عاوز العرش بسرعه
كان قدامه مقام بلقيس
قالت لازم نروح وانقابله
قبل ما ييجوا يذلوا الناس
راحت تدخل واتشوف قصره
وكشفت الرجلين بلقيس
ودخلت دين الله وف حكمه
وبقت زوجه لسليمان
ونستكمل في المره الجايه
بالعامية وكونوا معايه
ويونس من نسل سليمان
..........................
صلوا معانا على العدنان
ربه يعرض تبقى جبال
ذهب وفضه له والمال
يدعي يارب خليني مسكين
واحشرني ويا المساكين
صل الله عليه وسلم
صلوا عليه يا مسلمين
...... ..... .......
وللحديث بقيه
بقلمي الزجال حج هلال
ليست هناك تعليقات:
إرسال تعليق