بقلمي
هلال البنا
؛؛؛؛؛؛؛؛؛؛ الأرض
والأرض هي الأرض
فى الحر أو ف البرد
وطولها غير العرض
ليها سر في الإنبات
ويمكن تطرح شوك
تطرح كمان الورد
والأرض هي العرض
منصانه سنه وفرض
وانخاف عليه م الهوا
من العفار والشرد
وانغار عليها م الجار
إتنين وجمع وفرد
وحكيت حكاوي كتير
لآ وحده طلعت صح
ولا موال. قصير
خلصته خالص بح
واللى سمعها كتير
مافهمش ذم ولا مدح
وليه مابين الخلايق
قطيعه وكره. وبعد
والكل عاوز. يعاند
دالحب. غير البغض
والتوبه ترجع تعاود
للرب وانت. العبد
ويا أرض إيه صابك
نزلتي ليه ف الفخ
وترابك هو ترابك
ليه انتي رملك سبخ
وعالخد نشفت دموعك
الكل نازل ردح
والدنيا فيها اللي ناصح
بيعمل. فيها. المصالح
ولا بيهتم بالفضايح
سارح ورايح. وناجح
واكلها نازل. وطالع
بالرزق ساخط وطافح
ومصالح وللا جمايل
مش حد عارف رد
وشوك وليه تزرعوه
مدام زرعنا الورد
والورد ليه بعتروه
ليه بهدلوه فى الأرض
ويا أرض فيكي البذر
دا الورد فيه العطر
وياشوك ماليك الشر
شووكت إيد الحر
ويا ورد صون الأرض
خلينا نوصل بر
والأرض فيها. الجبال
تراب وصخر ورمال
وفيها الكنوز والمال
مدفونه فيها. الرجال
وهي. هي. الأرض
بتلعب فيها العيال
والأرض فيها. الدلال
فيها القبيح والجمال
وياما. جامد. ومال
عديم. الأصل ومازال
والمر. لو. بيضر
دوانا يبقى الخيال
والأرض هي الأرض
فى الحر أو فى البرد
وطولها غير العرض
دالسر واحد فرد
والأرض هي العرض
منصانه سنه وفرض
؛؛؛؛؛؛؛؛؛؛؛؛؛ الأرض
بقلمي
هلال البنا
ليست هناك تعليقات:
إرسال تعليق