دقت على قلبي
=========
دقت على قلبي براس بنانها
فتحت جرح فيي من غير تخدير
لتشوف مين اللي فيه جيرانها
واللي مقاسمها بحب هالفقير
ياجارحة القلب المحب نيالها
مافي حدا غيرك بقلبهُ غفير
ردّ القلب قال للجرح شو مالها
ماعندها رحمة ولا فيها ضمير
لو كان بتحب ما هيك أفعالها
تجرح قلب لتشوف !!! ما بيصير
لما الغيرة تكون من أطباعها
ليش المحبة وليش هالتعتير
واللي بتحب بصدق كرمالها
بتمون عالقلب وصاحبه كتير
بيصير خاتم سليمان بديّاتها
كلشي بتطلبه منه بيصير
بتكون هيّ أميرته لاحالها
سكنت بقلبه واللي حبَّها أمير
بقلمي : #عبدالرزاق_سعدة
ليست هناك تعليقات:
إرسال تعليق