محكية
مادام عمرنا بينعد بالأعوام
ليش العالم عَ ها الوضع زعلاني/ة
الحكي سهام بعيون الظّلّام
والقهر عَ دروبنا حقول ألغامِ
نسينا الفرح عَ كثر ها الآلام
و الآخ في قلوبنا شعلاني
سرقوا الحلم من غفوة النّوّام
وطار من بيوتنا الحمام الشامي
الفقر في بلادنا غربة بالتّمام
وعيونّا من العتم عمياني
الدوا لجراحنا ماعاد ينسام
وبلشت الوجعات تنخر عظامي
والله ليمتحن سبحانه الإنسان
بعث كورونا بالحقد خلقاني
والناس افتكروها وسام
وعانقوها من غير كمّامي
فرحت كورونا ب ِها الغرام
واستقرت بأجسامنا سكراني
أخذت تنعث بصدور الأنام
وفيروسها يرندح غناني
فاجتمعت كراسي الإخوان
وقالوا لازم نبرمجها من ثاني
صنعوا مضاداً ليمسح الأحزان
ورح يوصل لبلادنا بالسلامي
سمرة زهرالدين
سورية
ليست هناك تعليقات:
إرسال تعليق