كل اللي دخلك خرج...للمبدع أبو حمزة رشوان

كل اللى دخلك خرج .

كما اتولد عريان .

لاحد خد له قيراط.

ولا حد خد فدان.

الموت ينتظر والعمر لايكفى.

والقبر متسع ولا عمره يستكفى.

واللجنة تعتزر معادها حدفى.

ويأمر المراقب بجمع الأمتحان..

كل إللى دخلك خرج كما اتولد عريان...

...

قبيحة. غرورة مرة..

عبداء سوداء لا حرة..

مع طالبك لا تفكي سرة.

جلدك مابين اللبوة والهرة.

حبك حب مرات الأب والدرة.

عل إيه فيكى طمعان.

كل إللى دخلك خرج كما اتولد عريان..

..

كل ما اقول كفاية تقولى

خدلك كمان حصة ..

وافتكر أنه النهاية

اتريها بداية قصة..

مدرسة فى المادة شاطرة.

تعطي الدرس بالقطرة.

وياريت نتعلم من الدروس

او حتى نقدر نستفيد.

ولكن مرضا في النفوس

نغلط ونرجع نعيد...

فقير .غنى.أمير .ملك . سلطان...

كل إللى دخلك خرج كما اتولد عريان

...

متزينة وبتزهى

تخطفي القلب فى ثواني.

يميل معاكي ويزهى

وتعلقية بالامانى.

يبيع الكل لأجل خاطرك.

ويكتب بخطك على سطرك.

وذى كل المتشعلقين

يجرى يتشعلق فى قطرك.

ووقت النزول متفقة مع القضبان.

كل إللى دخلك خرج كما اتولد عريان.

. ..

وبتغيري الفساتين.

فستان ورد وفستان طين.

يوم ربيع ويوم خريف.

برد شتا وحر صيف.

وانا العبيط افتكرت نفسى مالك.

اترينى عايش فيكي ضيف...

اصحا القى فأت الأوان لا خدت خيط ولافستان

كل إللى دخلك خرج كما اتولد عريان

..

وليكي عساكر وموقفاهم على الحدود.

اول قذايفك تحيلي بينى وبين ربنا المعبود.

والثانية تبني بينى وبين الاهل سدود..

وانا الشقى لا ادرى أنى فريسة دود..

والكل ذاهب جإن كان او انسان.

كل إللى دخلك خرج كما اتولد عريان.

.

بقلم أبو حمزة رشوان