( هوارة )
هــــــوّر يابو الهوارة
لبلاد الشــــــام الهوارة
من قبل وجود التاريخ
انخلقت فيها الحضارة
قْرينا بِ نَصّ القرآن
عــالفردوس البالجنّهَ
وديانا أرضا قيعان
والــــداخــــلها يتهنّا
سورية أحلى البلدان
أغلى مــن الجنةَ عنّا
الحَمَداني ألّف قصدان
وشــــوقي فيها إتغنّا
ديك الجن بحمصا كان
هـــاوي نايل ومعنّى
لمعرّي صاغ الغفران
تخيل حـالوا بالجنةَ
وكتار بلاد العربان
ولمبارك هيه شــامْنا
نبيا طـــه العدنــان
بِ أوصــــافا أزهـلْنا
بتحفا جنود الرحمن
قصود حماها واتعنّى
مازارا والله إنسان
وشـــــمّ ورودا وتهنّا
إلا وتَرْكْ بلادو هان
وعيشتو فيها يتمنّى
صار علينا يا إخوان
من الحاسد ناخد بالْنا
باللحمة بين البلدان
منجـــمع رايـــة وطنا
ونحط بكل الاذهان
بكرى الخالق يســـألْنا
مين الجار العندو نهان
ويحاسبنا عاافعالْنا
نبينا بيهودي عــــان
وعازيارتو مايستنّى
إيدي بإيدْكم ياخلان
حسن الجيرة نتبنّى
بسورية نحنا جيران
والله وصى بالجـارا
وهور يابو الهوارة
الشاعر مصطفى نجار
ليست هناك تعليقات:
إرسال تعليق