/ إسمك حلو / محكي
طلعتي ع سلّم
ورد صحّيتي الحلم
توعّى القمر
تا صار في عندو علم
إنو الحلى
برموش عينيكي اختلا
صار القمر
معجوق يعملّك ختم
تا يختم
شفافك بنورو واعتلى
ضوّى جمالك
وانجلا فيه العتم
بين الكوكب
طل نجمك ع الملا
زيّن سماء
العشق بِأحلى نجم
وحدك بحبل
النور ألله أنزلا
بصف الخليقه
تاخدي أول رقم
ولمّا بمحكمة
الهوى القاضي اعتلى
منبر حقيقة
هالسحر داب الوهم
ولماّ نطق
بإسمك تحوّل صلى
بهيكل رحيق
الورد وربحتي الحكم
عا كتر إسمك
ما أخد منك أحلى
تحلّوا حروف
الأبجديّه بهالإسم . د. عيسى فضة
ليست هناك تعليقات:
إرسال تعليق