لازم ابوح
بقلمي هلال البنا
........................
لوتشوفها تقول دى عاقله
والحقيقه هي هبله
نازله رط وماسكه طبله
و قلعه ملط ولابسه بدله
ويوم تشوفها خارجه داخله
شايله مخله وطالعه نخله
ودوخيني يا لامونه
ولما ادوخ أنا لازم ابوح
ولو فى يوم تشوفها عدله
ألف يوم تشوفها ندله
فين زمانك يازمان
لما كات الدنيا سهله
ستي ياست أم نهله
فين أيام جدي الكريم
والمحبه والموده
والكرم يا م الفتوح
والمراتب والمخده
والسرير عمدان قديم
كنا تحته بنستخبه
خالاويص يد ياسماعيل
كنا ناكل عيش وجبنه
مره بصله ومره فجله
ونحمدالله كان عاجبنا
زي ما نكون كلنا بطروخ
وارحم يارب ستي نهله
وجدي كان يقرا الكتاب
و راديو شغال له حجاره
وصوته مسموع جوه باب
فين زمان ياست ثومه
و سنباطى وعبد الوهاب
والأستاذ إقبال وحافظ
و بيرم فيروز وصباح
فين أغاني الحاجه شاديه
فين زمان عبدالحليم
فين أفلام عنتر وعبله
ومع نجات صالح سليم
كان زمان الدنيا هاديه
والبرامج في السليم
والنفوس عايشه وراضيه
شاكره حامده وفي وضوح
أما في الزمانده طالعه
في الجديد مافيش قديم
واللي طالعه لابسه قالعه
ومش عاجبها المستقيم
شفت برنامج مقابله
في الجديد مش في القديم
والمذيعه خايبه هطله
شكلها مش فيه طموح
شفت مطرب جاي في حفله
جاي لابس زي الحريم
والموسيقى دق في شكله
بيغني ونازل لطيم
بكره من بعد النهارده
لسه ناوي اكون سليم
دنيا كلبه شينه جربه
ونفسي برضو تاني أدوخ
كنت رايح مره طلخه
بس لقيتني جوا طوخ
ومره تانيه رحت بنها
بس لقيتني في مطروح
إيه يا دنيا ناويه ليا
رحت منيا في اسماعيليه
إنتي ناويه ليا نيه
ولآ نسكت مش نبوح
لو تشوفها تقول دي عاقله
والحقيقه هي هبله
نازله رط وماسكه طبله
و قلعه ملط ولابسه بدله
وامبارح غير انهارده
شوت كوره جات في عارضه
دنيا جربه عاوزه ضربه
غامقه مافيهاش وضوح
....................
لازم ابوح
بقلمي هلال البنا
ليست هناك تعليقات:
إرسال تعليق