محكية غزلية.. للمبدعة إنصاف قرقناوي

محكية غزلية..

بتأملك..

و بطلع بعيونك الحلوي..

و بسرح معك..

بسافر لمطرح بعيد..

مافي حدا غيرك معي..

بقلك حاكيني حبيبي..

مشتاق قلبي يسمعك..

بضمك بلهفي..

بخبيك عن عيون الناس..

ما بدي حدا غيري يقشعك..

بسألك..

بتحبني؟

بتقلي يا مجنوني..

انتي غرامي..

و دنيتي..

معقولي بعدك عم تسألي..

و بضحك متل طفلي شقيي..

مشتاقا تدللا..

و بعانقك..

تنغيب عن الدني كلا سوا..

و باخدك لعالم بيشبهك..

و بلحظه لعندي برجعك..

إنصاف قرقناوي