بقلمي هلال البنا في
؛؛؛؛؛؛؛؛؛؛؛؛؛،،،،،،،،،، ............شريان رباني..........،،،،،،،،،،،؛؛؛؛؛؛؛؛؛؛؛؛؛؛؛؛
نهر النيل شريان رباني نازل جاى م السما علشانى
نشرب نزرع خير ومباني والنيل روحي وهو كياني
واللي يقول النيل مسدود ويمنع ميه وبنى سدود
فهم ضعيف وغباء موجود مصر النيل فيها خير جنود
مصري سوداني يابن النيل إحنا حبايب جيل ورا جيل
جيشنا وجيشك عيشنا وعيشك إلا النيل ولا وزن فتيل
عوزين إيه يا بتوع إثيوبيا تزرعوا قمح و تزرعوا لوبيا
ومافيش مانع تبنوا مزارع والكهربا والتكنولجيا.
بس حياتنا ودم قلوبنا هو دا آخرة إحسانى
شعب مصر وشعب سوداني..... مش يسكت عالحق ثواني
واللي يمس النيل بقليل لازم يندم ويعود تانى
مش بكلام ولا بالتهليل الشعب المصري حر أصيل
مهما الزمن المر يميل نهر النيل على مصر يسيل
يروي الأرض ويروي نخيل ويطلع ورد ونور قناديل
النيل رباني وسقاني النيل نعمه وفضل سماوي
ربنا يرزقني ويطعمني جو جميل وهوى رباني
ياللي شربتوا مية النيل وعلى شطه سمعتوا المواويل
مهما تلفوا وترجعوا تاني وتحلفوا مصر ماليها مثيل
نهر النيل شريان رباني جاى من فوق السما علشانى
نشرب نزرع خير ومباني والنيل روحي وهو كياني
؛؛؛؛؛؛؛؛،،،،،،،،......... شريان رباني ......... ،،،،،،،،،،،؛؛؛؛؛؛؛؛؛؛؛؛؛؛؛
مع تحياتي
الشاعر / هلال البنا
ليست هناك تعليقات:
إرسال تعليق