بقلمي هلال البنا في
لف ودوران
.... ..... ..... .....
شوفت الؤفه ماليه القفه
وفيها لفايف ولا مية لفه
ملفوفه بس مش معروفه
بتلف بينا ولا هيش واقفه
شوفت الؤفه ماشيه في زفه
رايحه وجايه فاهمه وعارفه
شارع ضيق شارع واسع
وكل ما تلف بتعيد. اللفه
رايحين فين جايين منين
والقفه مالهاش رجلين
ليها ودنين شايلينها اتنين
وقعة منهم والناس واقفه
والفاليف ملفوفه ليف
نازله بتجري جنب رصيف
والناس دايخه والعيشه بايخه
والجو حر وف عز الصيف
ماشيه الخفه عاضه الشفه
عندها أوفه ماليه القفه
ماشيه بتعرج في طريق أعوج
بس القفه مش فيها عفه
والناس واقفه سامعه وشايفه
والكل عارف فيها لفايف
من وقعتها تاهت الزفه
ويوم الوقفه عملوا الرفه
طلعت عرفه غير الوقفه
حتى العيد خالفوا المواعيد
والعادات والتقاليد
أرضنا في مجموعه شمسيه
والسما واقفه زي ما هيه
بس احنا بنلف و ندور
وكواكب ونجوم و قمور
عيشين في الكوره الأرضيه
وكلنا كده تابعين لمجره
بس القفه غير الجره
والجره مكسوره من بره
جايه علينا ومحدوفه حدفه
أما القفه موصوفه وصفه
فيها الخيبه مرصوصه رصه
بس عالوش خدعه و غش
وقعر القفه. فيه. الؤفه
جايه وماشيه مفروشه فرشه
زي العرسه وعامله الكرسه
وسط الزحمه ولا فيش رحمه
حتى اللحمه كلها كرشه
لف ولفايف ديل وشفايف
منبار داير قعر. القفه
عامله ستاير في الدار لافه
ليها ضفاير شافه ورافه
طفت اللمبه وعملت قفله
لغت الحفله والليله وحله
خنقه و زنقه والحاله واقفه
زي عيالك. والناس كافه
لم عزالك حط في. القفه
يسلم حالك من كل أوفه
أصل الؤفه. ماليه القفه
....................
لف ودوران
بقلمي هلال البنا
ليست هناك تعليقات:
إرسال تعليق