منادمة صباحية رائعة اتمنى أن تنال إعجابكم مع الغضنفر اللبناني الشهير الأستاذ محمد ابو علي المحترم
🌹إدريس فؤاد محمد 🌹
يادنيا ترفّقي فينا فقر طال
صفى الهم ارطال فوق ارطال
همومي جيت كيّلها في قرطل
عملت جبل من همي حدب
🌷محمدابوعلي🌷
ندبنا لفقر حالك بكينا
ومر العلقم شربنا بكينا
شفنا عالبحر لبسك بكينا
معاك تلاتة او اربع شباب.
🌹إدريس فؤاد محمد 🌹
نحن من حين شفناها حكينا
الرموش تحسست منا حكينا
غضنفر للشمس نحنا حاكينا
بنور من السنا المشهود جاب
🌷محمدابوعلي🌷
غضنفر يقسم بربو بحبكم
كما الاشعار للشاعر بحب كوم
تراه بنظم شعرو بحبك كوم
اهم انسان حبو سبع غاب
🌹إدريس فؤاد محمد 🌹
وحق الذي بقدراتو برا ابكام
وقادر يعمل بصحرا بير ب كوم
فيكم قلبي متعلق بربكم
وحبكم فرض عقليبي ووجب
🌷محمد ابو علي🌷
انا اللي سحت بحبك والغرام
ياداب القلب بعشقك ولغ رام
عقلي ما بقا يحوي ولا غرام
لما بديت نحوي من الغراب
🌹إدريس فؤاد محمد🌹
انا ال شفت بحرفك بيسيغ رام
وكلامك عسل المصفى ب سيغ رم
اعطيني ذوق من عندك بس غرام
وبدي دروس بفنون الأدب
🌷 محمد ابوعلي 🌷
عتابك ابد ما شفنا لمثلو
كما البركان ما يلقى لمس لو
فطاحل هالادب فنك لما سلوا
راحوا يقولوا يا نعم الشباب.
🌹إدريس فؤاد محمد 🌹
سيفي يوم ع خيّ لم اسلو
ولاظني انسى لذكرو لم اسلو
بنانك إذا لجرحي لمس لو
لو انو بعضة الثعبان طاب
🌷محمد ابوعلي 🌷
بقالي زمان يا خيي بقل آخ
ولا مرة كنت بعمري بقل أخ
راحت كل ايامي بقي اللخ
بقلبي حتى يأتي سبع غاب
🌹إدريس فؤاد محمد 🌹
قلبي إن لامس لجرحك عمل آخ
ولعمرو. تصدقو يصفي عميل أخ
هجر الأخ من بعدو عم اللاخ
ومنع النور عن عيني وحجب
🌷محمد ابوعلي 🌷
لادخل دار اعداءك وشابيك
واقتل وغد ياخيي وشى بيك
ويا خاين لشعلا بشيبك وشابيك
ولظى النيران توصل للسحاب
🌹إدريس فؤاد محمد 🌹
ياسري من إجا زاعك فشى بيك
ولجيتي سوادها تخبى فشابك
معك عالحرب رح ادخل فشابك
عدوك واقطع اعصاب ورقاب
🌷محمد ابو علي🌷
قلبي كره لمعارك والكباش
بعد ماشاهدت وجهك ولك باش
لجبلك كل خرفاني والكباش
تعال نعيد ايام الطرااااااااب
🌹إدريس فؤاد محمد 🌹
عبوس الوجه كرمالك ولك بش
وكماة المعركه طاعو والكباش
الفحول بترخص لجاهك والكباش
وبزل الروح كرمالك وجب
🌷محمد ابو علي🌷
ليي روح يا خيي ولك روح
قامت ساحة الهيجا ولك روح
بقدم ابني لبلادي ولك روح
راح الولد ما أخسر انجاب
🌹إدريس فؤاد محمد 🌹
انا للوطن رح قدم روح بروح
ياللي فاح بذكرك ريح ب روح
قبل مالواجب بيدعي رح بروح
ونصون العرض ومنفدي التراب
🌷محمد ابو علي🌷
كلامك دهب ومنقى بدقة
عذرني ما نقر بابي بدقة
روحي مرهم لاجلك بدقا
ولا يجرح يدك باب الخشب
🌹إدريس فؤاد محمد 🌹
قلبي لو قدر دقدق في دقه
بلطف وحلم يامهذب في دِقه
روحي إن تبتلي مره بدقا
انت بتكون للحمى الطباب
ليست هناك تعليقات:
إرسال تعليق