........... فى الوش
بقلمي هلال البنا
،،،،،،،،،،،،،،،،،،،،،،،،،،،،،
فكك م الإحباط و اليأس
ليه نتشائم ونقول نحس
نرمي كلام يسد النفس
إيه هو احنا مش بنحس
ليه ماتكونش كده متفائل
وتحسسني إنك عاقل
تبقى الكلمه كلمة راجل
وليه بتسد الباب فى الوش
فكك م اللي راضعها نفاق
وللا مافيش عندك أخلاق
جايلك بعد مالف وضاق
ومتعشم هاتهش وتبش
فكر دور خليك مخلص
ممكن بكره تصبح مفلس
م اللي جايلك يجري ويلهث
وأوعى من كسران النفس
. د الشبعان شغال بيرص
وعمره ماجاع علشان يحس
راح يتمادا ويبقى أخس
ويضرب فى الغلبان ويطس
خليك واضح أوعى تغش
وفكك م الإحباط والبؤس
ليه تتشائم وتقول بس
ومن غير صوت ومن غير حس
هو كلامي كده فى الوش
ومن غير لف كده هو الوصف
ومهما تقول وتدور وتلف
وكل كلامك للتور. حش
لف ودور خليك مغرور
وخليك فوق انت. المأمور
خليك ظاهر مش مستور
جوه الضلمه كده بتخش
فكك م الإحباط واليأس
وليه نتشائم ونقول نحس
نرمي كلام يسد النفس
ولسه فاكرنا مش بنحس
داحنا عملنا رجيم بنخس
وزن خلاص خسيت النص
وخدنا وسائل منع الحمل
وعملنا التنظيم. للنسل
عيشنا تقشف علشان نعرف
فرق أصيل وقليل الأصل
ومين الشهم ومين الندل
عاوز يجيب لقلوبنا اليأس
والإحباط والخوف والبؤس
فكك م اللي يدور و يلف
خليك ظاهر وش في الوش
............... .......
بقلمي هلال البنا
في الوش
ليست هناك تعليقات:
إرسال تعليق