عالم بريء
عالم بريء
فتاح ياعليم
رزاق ياكريم
زمن الخير
والجوده
كانت البركه
في القليل
موجوده
والناس راضية
ومبسوطه
ناس طيبه
حامدين ربنا
علي نعمته.
فاكرين لما
كنا صغيرين
نجري نتلم
حوالين جدتنا
نطلب. منها
تحكي. لنا
حواديتها
الشاطر حسن
وست. الحُسن
والأميرة المسحوره
وأمنا. الغوله
نسرح مع الحدوته
يداعبنا خيالنا
نرسم صورة
جميلة
ومهما عدا العمر
فضلت الصورة
جوانا. مرسومه
كبرنا
وماتت. جدتنا
بعدما تركت
لنا. إرث تقيل
عالم برئ
صورته رافضه
تغادرنا
مُصر يعذبنا
أبريا وسط
عالم غريب
نبص حوالينا
تخدنا الحيره
نسأل نفسينا؟
فين. يا جِدَه
إل كنت بتحكي
عليه لينا
فين الحب
فين الوفا
مال القلوب
معدتش لينه
إتحجرت
إتملت حقد
وغيرة
فين الإخلاص
المصالح بقت
أساس
والضمير انعدم
خلاص مفيش
إحساس
فين. لمتنا ؟
اتبعترنا
والسؤال. بقا
بالكاد
كترنا ورغم
كترتنا
قلت قوتنا
كل واحد في
واد
حتي لقمتنا
رغم وسعتها
معدتش بتشبع.
فين. لما كنا
بنشبع
حتي. لو. أكلنا
عيش حاف
كتر المال
مش مهم
حلال ولاحرام
المهم متعته
ماتت جدتنا
وتركت لنا إرث
تقيل
عالم برئ
صوت الكروان
في السما
وفي الأرض مع
كل فجر صياح
الديك
والنهر جاري
تخد منه وتشرب
بالأيد
وخير. الأرض
مالي
لاسماد ولا
كيماوي
ولا أمراض
ولا وبا
حتي من
الهوا
ناس من
الوجع بتلالي
ماتت جدتنا
وتركت. لنا
إرث تقيل
عالم برئ
د. عصام ابوالدهب
ليست هناك تعليقات:
إرسال تعليق