بقلمي الحاج هلال
..............
***؛؛؛؛***؛؛؛؛***؛؛؛؛***
كلمه بكلمه أنا فاكر
وفي الحكاوي انا شاطر
كلامي كان مريحكي
وجايه بعدها تشكي
في مين عاوز يهمشكي
تعالي وقلبي هيجيلك
داليل و نهار. بيدعيلك
بيبكي دموع فيها يغسل
وبيعطر. منادياك
بيطلب م الهوى يرسل
أغانيكي ومواويلك
وكلمه بكلمه أنا مذاكر
وعندي حل مشاكلكي
قوليلي ليه جايه تبكي
عشان غرقت مراكبكي
أنا إللى كنت مجدافك
ونضارتك وشوافك
و خوافك بيعجبكي
وعكس السير موديكي
وف الأوهام متوهكي
باشوف الحزن ف عنيكي
وبتلفي فى مطرحكي
شيطان إبليس ما يهديكي
وﻻ مره حينصحكي
عاوز م الدنيا يمحيكي
وتتغير مﻻمحكي
عشان رجعتي تحكيلي
ومره في مره تشكيلي
وآخرتها بتبكيلي
حلفت انى أسامحكي
حبيبتي لما تحكيلي
وتطلب مني احكيلها
واسمعها مواويلي
تغنيلي واغنيلها
عشان كل اللي فات فاكر
وكل الجاي أنا مذاكر
عارف وسامع وشايف
ولما احكي باكون شاطر
..............
حبيبتي
بقلمي الحاج هلال
ليست هناك تعليقات:
إرسال تعليق