هلت نسايم النصر
من حقك يامصر
تفرحى
باولادك الابطال
لما ضحوا بروحهم
واهدوكى الانتصار
لما حلفوا مايعدى
النهار
الا والنصر لمصر
فى اكتوبر رمضان
ملحمه
ملهمه على مر الاجيال
غنوه بتتغنى على الربابه
ويتشد ليها الموال
حدوته فى ضلة توته
بتتحكا وتتقال
مع ركية نار وكوباية شاى
وصوت ناى
ابطالها رجال
ال خطط وال نفذ
وال خد القرار
بطل مغوار
عبرنا وحطمنا
بارليف ولاهمنا
ضرب النار
وصورة الانتصار
اترسمت على كل جدار
تحيه لجنودنا
البواسل الاحرار
بالعزيمه والاصرار
رجعت ارضنا
بعد ما
طال الانتظار
دخلت الفرحه
ولفت كل دار
والكل كان مستنى
مدفع الافطار
كان بيدور الحوار
بين البنادق والمدافع
وصوت القنابل
بنمحى العار
عاش الابطال
وتحيه لكل شهيد
ضحى عشان
يتحقق الانتصار
عصام ابوالدهب
ليست هناك تعليقات:
إرسال تعليق