هلال البنا في
نحكي في المحكي
***$$$###@@@
هل شهر الصوم وجالنا
والمساجد قولنا عادت
ولسه نحكي في احكايتنا
عن أيام زمان وراحت
و الناس تسمعنا وتحكي
والمصطبه مليانه نا سنا
قبل مني. وبعد. مني
عاليمين وعالشمال
و اللمه حلوه تونسنا
أخوك وأخويا واختك واختي
وأهل الحاره دول فوق راسنا
وسامع امبارح جاري بيدعي
بيقول ربي وبس عالمبي
هو العالم ضيقتي وكربي
ويغفرلي تقصيري وذنبي
يمكن ذنبي أسباب كربي
ليا ناس أرحام بوصلهم
والعيد داخل لازم أروحلهم
وانا مش لاقي جبر خاطرهم
أعمل إيه ويارب دبرني
وست أرحام إخواتي و بناتي
أجبر خاطري يارب واسترني
رحت لكام واحد كلمته
وقلب الجاحد مهما تقوله
سلفه بسيطه لبعد العيد
واحلفله فى سدادها أكيد
ولافيش واحد قام وجبرني
والله حسبى وهو عالمبي
ده كان كله دعاء الجار
وأنا وليت بسرعه فرار
وهو بيبكي بدموع نار
ودموعي نازلين ومرار
وأنا بدعيله في كل صلاه
وحسبي العالم بينا. الله
في اللي رافع الأسعار
والمعاشات محتاجه قرار
وأنا لو قادر كنت أديله
لكن آخري إني أدعيله
ده كان واحد جاري بيدعي
بيقول ربي وبس عالمبي
عارف ضيقتي وهايفك كربي
سامعه امبارح في صلاة فجري
وانا راجع في الشارع بدري
قبل الحظر ما يحفر قبري
وكلمه مني لكل حارتنا
كله يساعد جارنا بسرعه
النهارده ومش بس بكره
وربك راح يديك الأجره
من 10 إلى 700
أيامنا المفترجه الجايه
أيام رمضان شهر البركه
ربك فيها راح يفرجها
ويوسع رزق الأيتام
والأرمله والناس المرضه
وكل الناس خايفين م العدوه
وجوا بيوتهم طالت القعده
ولا إعانه ولا مساعده
وفين الأغنيا والا الدوله
ورجال الأعمال الظلمه
واللي يقول انا عندي تحدي
واللي يقول راح اشيل وأودي
ولا حد جابلي ولا جه عندي
واللي يعلم بالحاله ربي
واحنا كنا بس بنحكي
ولا بنعيط ولا بنشكي
ذكريات كانت في حارتنا
أيام قعدة مصطبتنا
والله زمان يا أهل الحاره
بكره ترجع تاني قعدتنا
والمساجد قالوا عادت
في رمضان هنروح لصلاتنا
ونسلم ونشوف أحبابنا
بالكمامه و. التباعد
ونحافظ علشان صحتنا
مع هلال البنا حبيبنا
..............
نحكي في المحكي
ليست هناك تعليقات:
إرسال تعليق