/ بالروح موشوم الوطن /
قالوا يا شاعر قول كلمة باختصار
شوف البلد مرجوحة الأخطار صار
قلت القصيده للحقيقه مش وحي
شعري وطن وسلاح أقوى من الدمار
من المستحيل اليوم إهجر مسرحي
مهما انفجر زلزال والإعصار دار
ومهما يا إسرائيل عنّا تشبّحي
وترمي صواريخك على كل الديار
وتبقي بغرورك وبجنونك تجمحي
خلص الصبر ما ضل عنّا إنتظار
بملعب وطنّا بتلعبي وبتسرحي
ولعبة خطيرة بتلعبي بالنار نار
حاجي ع كيغك تمرحي لا تفرحي
اخترنا النصر إلّا النصر ما في خيار
شو ما حصل ما بروح إترك مطرحي
مهما قسي علينا الزمان وجار جار
بالروح موشوم الوطن ما بينمحي
جايي الفرج يا بيوتنا قومي افتحي
بيبقى الوطن بصمة كرامة وانتصار .
- عيسى فضة
ليست هناك تعليقات:
إرسال تعليق