صبحتك صباح الخير
ردي الصبح يا فلانة
وقولي الصبح من الله
عجل لا ويش زعلانة
صبحتك صباح الخير
يام المخمل الازرق
وغار البحر من لونه
وبحبال السما تعلق
وصبحتك صباح الخير
يام المبسم الوردي
وقبلتو ثلاث قبلات
عجل ياناس من قدي
وصبحتك.....ومسيتك....وحبيتك
وحبيت الارض يلي تدوسينا
وحبيت القمر يلي بين عيونك
وحبيت العرق يلي على جبينك
وحمرة خجل...وشهدة عسل
وما بنسى يوم حبيتك
احبك...احب الرب ع شانك
احب الشمس والقمرة
احب خدودك السمرة
احب الكحلة في عيونك
ولا تلوميني مجنونك
وصبحتك....ومسيتك....وحبيتك
وحق الرب يا فلانه
حبيتك وبحلم يوم ضميك على صديري
ومالقيتك
متل خيال خطر بالبال
وحتى بحلمي ما قليتك
وحق الرب يافلانة
بخيله وضنت بقبله
عجب ياناس شو سره
تعذبني....تلوعني
رمت في القلب كم جمزة
وبخيله وضنت بنظره
وصبحتك صباح الخير
يام المبسم الوردي
وقبلتو ثلاث قبلات
عجل باناس مين قدي
انت الي صباحك خير
وانت الروح وحياتك
وريقك خمرة السكران
في روضات جناتك
ولا تقولي ولد جهلان
ومر الحين ويعدي
انت الشمس والقمرة
وباقي الناس شمعاتك
وشفتك في خيوط الشمس
من شعرات جدلاتك
وضميتك على صدري
عجل ياناس من قدي
بقلمي: ابو باسم عيسى عيسى
ليست هناك تعليقات:
إرسال تعليق