اول منشوراتي معكم ارجو ان ينال اعجابكم
بلاغة
گالي رايد شجاعة
بزمن تافه ما رحم
اسمي عنوان الفرح
صرت عنوان الالم
بديرة ما بيها محنة
ضيعت حتى الحلم
چنت احلم بالسعادة
والسعادة اكبر وهم
ادري بالغربة عذاب
ادري بالغربة سگم
تهيتني دروبي گوة
وين دربك يا جدم
گالي رايد بلاغة
حروفنا هم تفتهم
عافت النقطات هجت
مثل طشار النجم
يا شجاعة يا بلاغة
حتى حبر القلم دم
تنسفت غبشة عمرنا
عل التوالي اركض الم
شرد الم بس ذكريات
ضاع كلشي يا قلم
اكتب اكتب يا قلم
وثق حروف الزمن
الما رحم بينا ولا يعرف رحم
الما رحم بينا ولا يعرف رحم
عود عل التالي نلحگ
سنينا جانت زلم
تفزع بوكت الحصاد
تهاوش الما ينگحم
منجل الغربة لفاها
ثار عنده وينتقم
آه يا ديرة اهلنا
الجنة بخلافج عدم
لا بلاغة ولا شجاعة
لا ثقافة ولا علم
لو يمر اسم العزيزة
بغداد منها والنعم
لو يلمني ترابها بعد المماة
يرگص يغنيلها حتى العظم
ابتسام عبد السادة /عراقية
تحياتي للجميع
ليست هناك تعليقات:
إرسال تعليق