محكية
جاني ما يرندح موال
عشقان وصوتو مبحوح
وتردد صداها جبال
وتحملو هالريح وتروح
يا زينة كل الأجيال
ومواسم خيرا المطروح
بحسنك ضربوا الأمثال
وعشاقك قلبن مجروح
نظراتك نظرة محتال
وريقك يا بلسم هالروح
من عنبك قطفنا سلال
وبيدر عا شفافك مفتوح
عا جيدك تزين سنسال
و وردك على الخد سفوح
دايم دوم بهل العرزال
كريم وعطرو بفوح
طال غيابك عنا طال
واشتقلك حمام الدوح
وحالي عا غيابك مو حال
وقلبي من جوا ما ينوح
يا طيري وصل مرسال
للغالي وبسري بوح
وسألو دخلك سؤال
أيمت عن رأيو بجوح
أيمت ترجع يا غزال
وعمرلك بقلبي صروح
قلعة وسوارا وتمثال
وبوابا من زان وشوح
أو صير ع دروبك رحال
وقلبي على الحب يسوح
حسن الحداد
ليست هناك تعليقات:
إرسال تعليق