هلال البنا
ضباب
،،،،،،،،،،،،،،،،،،،
كبر خلاص وانوي الصلا
والفاتحه بعد البسمله
الله في عون الأرمله
والليل ومش باينه السما
غيوم مغطيه النجوم
وقلوب كتير صابها العمه
ومعاش صغير وعالعموم
معدوم انا من كام سنه
والهم وقوتى يوم بيوم
من غير هدوم برد الشتا
وتعبت مش قادر أقوم
مهموم وقتلانى الهموم
وجسمي مليان بالسموم
دلوني واعمل ايه ياقوم
وحلوا تلك المعضله
الله فى عون الأرمله
والفاتحه بعد البسمله
إنوي وكبر للصلا
وياليل شديد فيك الضلام
خفافيش وبوم شيفين تمام
وميعرفوش لغة السلام
جيين فى يوم المشئمه
وعاملينها نار وملحمه
غربان غيلان تعابين تحوم
وعلى مين نلوم
عيون مايملاها التراب
وأرض فيها الزرع خاب
ياصبح طالع فيه ضباب
وشمس غطاها السحاب
عوزين تخلوا الدنيا غاب
والآخره فيها يوم حساب
فيها الصواب وفي عقاب
و الآخره ممنوع العتاب
ياقلوب خلاص صابها العما
وفى ليل ومش باينه السما
الله في عون الأرمله
ومن كام سنه معدوم انا
كبر خلاص وانوي الصلا
والفاتحه بعد البسمله
ضباب
،،،،،،،،،،،،،،
بقلمي هلال البنا
ليست هناك تعليقات:
إرسال تعليق