الله يرحمك يا لميمة
مشيتي وخليتي ليا الخيمة مظلمة
مشيتي وخليتي دموعي كيف خيوط لغمامة
الله يرحمك يا لميمة
منين نجيب القلب الحنين
منين نجيب الحضن الدافي الرحيم
منين نجيب فرحتك بيا يوم العيد
من بعد ما مشيتي ولات يامي مظلامة
ولا نهاري مخلط بليلي
ونعاسي شوك فوق سريري
ولات مرافكاني يام ما نعرفها
ولا زماني واخدني وموضرني
مابقيت نعرف راسي من رجليا
الله يرحمك يا لميمة
مشيتي ومشات معاك البركة
مشات معاك لمحنة والحركة
مابقا حد تيحن عليا
لا ختي لا خويا
ولا ولد مي وبويا
شافوني طريح لفراش
ولا عمرهم سولو فيا
شافوني قليل لحيلة ولا سولو عليا
مني مشيتي يا لميمة
مالقيت علامن نحط الراس
مالقيت علامن نشكي
ولا علامن نوسد لكتاف
عييت يا لميمة من تهراس راس
غلبني زماني والجهد تساس
ومشات صحتي مني وليت تراس
لكن يا لميمة مني كنتي معايا
كنت ديما رافع الراس
ولما رحلتي يا لميمة
ولات رقبتي تنداس
الله يرحمك يا لميمة
بقلمي ....✏ مريم بوجعدة
ليست هناك تعليقات:
إرسال تعليق