( ذاكرة الجسد ) شعر محكي
حملتك بذاكرة الجسد قوني
بشريان قلبي ولهفة عيوني
ومرّيت ع الماضي بوقت مجروح
تفركش حنيني بآه مجنوني
مطرح ما كان الملتقى مسموح
كنتي معي بالشوق مسكوني
وباب القلب وحدك إلك مفتوح
تفوتي ع كيفك كيف ما تكوني
ومنك إلك حلفت يمين الروح
تموّن عشق . . وتكتّر الموني
تركتي الورد هالأبيض البيفوح
ورحتي اختفيتي استنفر جنوني
صار القلب صوت وصدى مبحوح
التمّ الحزن عا خيبة ظنوني
تذكّرت . . إني نسيت إتذكّر
إنك ع تخت الذاكرة الأحمر
قتلتي الحلم ع مخدة جفوني . د. عيسى فضة
ليست هناك تعليقات:
إرسال تعليق