حاجة تجن
أنا مجنون بس عشان كلمة
وعقلي بيصرخ عايز الحكمة
وسط الضلمة هنور شمعة
شمعة تنور وسط العتمه
وقلمي بيصرخ فين الرحمه
ناس بتموت مش لاقية اللقمة
وناس م اللحمة جاتهم تخمه
وناس بتعاني وسط الزحمة
نفسها تلقى ف يوم الرحمة
حد يطبطب يرسم بسمة
يطعم فم أطفالها الشارده
ويكسي جسدمهم حتى بهدمه
وناس مطروده وعالم ساكته
ع اللي بيحصل بقلوب فاترة
شئ بيجنن فين النخوه
وليه الدنيا كلها ساكته
طب فين ضمايرنا ولا سبتنا
وجت سبقتنا جوه قبورنا وراحت ساكنه
والله حاجة تجن الجن
امتى قلوب الناس دي تحن
تحس بصوت أطفال بتئن
ده من جوعه صوته بيرن
جوه اوداني ياناس هتجن
وطفل حزين وصغير السن
مات الوالد قدام عينه
وحطوا أخوه الاكبر منه جوه السجن
وادي عروبة بإرادة مسلوبة
شاغله عقولها بحبت فن
مش بالزمة دي حاجة تجن
تبقى الدنيا بعين معطوبة
وعين قفلاها عشان ماتحن
وترحم دمعة طفل يتيم
اوبنت بتصرخ شرفي وعرضي بقوا فى الطين
وانتوا ياعالم مش حاسين
والله حاجة تبكي الصخر
مش هتبكي البني أدمين
بقلم فهمى محمود حجازى
ليست هناك تعليقات:
إرسال تعليق