* مالك....؟!*
................
مالك كدا مهموم.............؟!
وجايلي حزين كدا ليه.......؟!
ما تقولي إيه جرى..........؟!
وإيه حصلك إيه..............؟!
دموعك ليه سبقاك..........؟!
والأها جوا عنيك.............؟!
خلاص نهيت الحكاية...........
وحلمك ضاع من إيديك.......؟!
طب خلاص يا جدع.............
وبلاش دموع العين.............
عشانك قلبي إتوجع............
ما بلاش حزن وأنين...........
وخلي الدموع جواك..........
قالوا لنا زمان في المثل.....
الجدع ما تبكي عينه دموع....
دموع الجدع...................
تكون جوا الضلوع.............
*بس اللوم برضه عليك.......
ما أنت عارف.................
إنها ما كانتش ليك...........
مشيت حلمك للنهايه.........
ونسيت.......................
إنها مش ماسكه في إيديك
طب تعرف....................
هي كمان زعلانه برضه عليك
بس لا أنت كنت ليها...........
ولا هي كانت ليك..............
والقصة من البداية.............
منهيه قدام عنيك...............
*بس أمانه يا جدع.............
لا هيا يوم وعدتك..............
ولا قالت لك حاجه.............
أنت إللي مشيت سكتك.......
ونسيت كل حاجه..............
نسيت إنها مقسومه...........
لحد تاني غيرك................
بقي هي عشان ضحكتلك.....
تبقى نجماية ليلك.............
*طب خلاص وكفايه...........
أنا عارف إني قاسي.........
في كلامي أه وياك...........
بس أنا عليك خايف...........
تقع من أعلى سماك.........
علي أرض مليانه.............
بحجارة مع أشواك...........
وبلاش دموع كدا.............
بلاش دموع كفاياك...........
مش قلنا الرجاله ما تبكيش
ولا أقولك.....................
تعالى في حضني إبكي......
مش عيب دموعك تجري......
يمكن البكا.....................
يريح أها جواك.................
# كرم ميخائيل
ليست هناك تعليقات:
إرسال تعليق