بقلمي هلال البنا في
،،، ،،، ،،، عاجل
...................
في خبر عاجل طالع نازل
خارج داخل لابس العازل
لبس كمامه لجل سلامه
بعد ده كله مش متفائل
،،، ،،، ،،، ،،، ،،، ،،، ،،، ،،،
جاي وبسرعه يجري وعاجل
ٱخر الدنيا ولا فيش فاصل
كانت العركة راجل وراجل
وراح علشان يحل مشاكل
,,,,,. ,,,,,. ,,,,,. ,,,,,. ,,,,,
قاله العيله قاعده الليله
والموضوع فيه قصه طويله
مش تستغرب لازم تهرب
والخوف لك دلوقتي فضيله
،،،،،،,,,,,,,،،،،،،،،،,,,,,,،،،،،،،,,,,,,
راحوا اتنين وراحلهم واحد
من المدينه راح عبد الواحد
مرسلين ل قوم ياسين
كانوا صعبين والقلب الجاحد
........... .......... ...........
في خبر عاجل والجاي ٱجل
ده مع ده لازم يتقابل
أصل الآجل بعد العاجل
ده كان طالع والتاني نازل
... ..... ...... .......
...... ...... ..... ......
شفت الآجل عامل قرعه
والعاجل راح فايت بسرعه
راحوا ورجعوا طلعوا ونزلوا
مش عرفوا العاجل م الآجل
.... .... .... ..... ..... ....
.... .... .... .... .... ....
عاجل مين رح يعمل شيير
والموضوع عاجل وخطير
في حد عايش لسه مامتشي
في حد مات كان لازمه ضمير
... ... ... ... ... ...
شفت المره ووليدها صغير
مرميه ومش لاقيه سرير
والأنابيب لنسيب وقريب
واللي ما لهش حبيب بيطير
،،، ،،، ،،، ،،، ،،، ،،، ،،، ،،،
ناس فى الدنيا أملها قصير
وناس واقفين عالموت طوابير
مات إنسان مش لاقى أكفان
والباقي محتاج تصوير
... ... ... ... ... ... ...
،،، ،،، ،،، ،،، ،،، ،،، ،،، ،،، ،،،
سبحانه شافي العيان
كبسوله و قرص وأمبول
والمشلول وعليل تعبان
ناس مش طايله وناس بتطول
،،، ،،، ،،، ،،، ،،، ،،، ،،، ،،، ،،،
.... .... .... .... ....
حسنه قليله ...ثوابها كبير
للعطشان راح نفحر بير
ونزرع حب ويطلع .... خير
لاجلي نشوف حواليه الطير
.... .... .... .... .... ...
،،، ،،، ،،، ،،، ،،، ،،، ،،، ،،،
هانشوف تاني عشوش عصافير
ونطحن غله ودره وشعير
ونخبز عيش وانسوي فطير
بعد ما يصحى فينا ضمير
،،، ،،، ،،، ،،، ،،، ،،، ،،، ،،،
.... .... .... .... .... ....
أوعى تقول إن إنت ... فقير
ويادوب ماشي مافيش توفير
بدليل إيه ماتقولي يابيه
كله كلام محتاج تفسير
..... ...... ...... .....
،،، ،،، ،،، ،،، ،،، ،،،
بين الناس فيه فرق كبير
ناس أمامير وناس صراصير
ناس بيجيها الأكل يطير
وناس عالعيش واقفين طوابير
... ... ... ... ... ... ...
،،،، ،،،،، ،،،، ،،،، ،،،،،
ناس على بابها ألف غفير
وناس عاملين م الرمل سرير
وناس مش تعرف برد امشير
وناس م البرد يموتوا كتير
...... ....... ....... .......
،،،، ،،،، ،،،، ،،،، ،،،، ،،،،
ناس فى الصيف واللبس حرير
وناس مش لاقيه جلد حمير
ناس بتفكر بس في الستر
راضيه قليل مش طالبه كتير
،،،،، ،،،،، ،،،،، ،،،،، ،،،،،
..... ...... ........ ....
عاجل مين رح يعمل شيير
والمنشور عاجل ...... وخطير
مين الصاحي ولسه مامتشي
ومين الميت عنده ضمير
،،، ،،، ،،، ،،، ،،، ،،، ،،، ،،،
في خبر عاجل بعد الآجل
ده مع ده لازم يتقابل
أصل الآجل ويا العاجل
واحد طالع والتاني نازل
...................................
.... .... .... ..... .......
شفت الآجل ماشي بسرعه
أما العاجل داخل القرعه
راحوا ورجعوا طلعوا ونزلوا
مش عرفوا العاجل م الآجل
.... .... ..... ...... .......
شوف الراضي صابر عاقل
أما الصاخط نافر فاشل
أصل العاقل تلقاه شاكر
أما الفاشل ماشي في الباطل
..... ..... ...... .........
ناخد هدنه ونعمل فاصل
ونرجع تاني مع بعض نواصل
تحصيل حاصل شامل كامل
فينا رد فعل وفينا الفاعل
....... ........ ...... ......
في خبر آجل جاي متخاذل
جاي على مهله هامل أهله
نازل واكل طالع واكل
والموضوع كان مش مستاهل
..... ...... ...... .... .....
في خبر عاجل والجاي ٱجل
ده مع ده لازم يتقابل
أصل الآجل ويا العاجل
واحد طالع والتاني نازل
..... ..... .... ........
ناس بتموت من كتم الصوت
ولا حد حاسس في الملكوت
سين وجيم رجاله حريم
زمر ٱخرك هيكون طوط
،،،....،،،،....،،،،....،،،،....،،،
في خبر عاجل طالع نازل
خارج داخل لابس عازل
لجل سلامه لبس كمامه
ومع ده كله مش متفائل
..................... عاجل
بقلمي
هلال البنا
ليست هناك تعليقات:
إرسال تعليق