(( ,, سوا ربينا وسوا حكينا ,, ))
سوا ربينا,, وللمحبة جينا
والجامعة جمعتنا وعلى خيراتِ الأدبِ لَمْتِنا
فيها نجوم الفضا تملا رحاب الكون حَلا
تملا القلوبْ مَحبة. ومُنَا وتغمرنا بالسعادة والهنا
بالجامعة ياما تلاقينا ,,وعلى صفحات المحبة نشرنا أمانينا
فيها نجوم من السما تحاكينا ,,ومن ريق العسل حلو الكلام تسقينا
عيون غسان تبقى على جامعتنا و بالغمزات عيونه تحاكينا ..
غسان ياقمرمضوي بظلال جامعتنا ..جامعتنا رح تبقى فيك وفينا
وبكل أقلام مُبْدعِينا وبكل المبدعين رح تبقى جامعتنا ..
ونحن سوا روادها ..عجينا .. وطينا
بجامعتنا تزهر وتفتح اقلامنا وبالفيافي تطرح غلال العنب والتينا
ياما بجامعتنا حروف كتبنا ..ومن شذى عطرها يفوح الياسمينا
وياما سطورنا شفناها على الصفحات عاشت ورح تعمر سنينا
ولما رجعنا لذكرياتنا واقرينا , يالله أخبار الأيام كيف نسينا
جامعتنا ياناس منزلنا ودارنا ..هي حضن بلدنا ونحن ساكنينا
رح تبقى جامعتنا واقفة ضد العدا ,,والرب وحده قادر يحميها ويحمينا
أهلاً بكل من زار جامعتنا ,,,,كُتاباً كانوا أو هُواةً على معالمها سائحينا
مهما كنتم رح تبقوا في جناتنا ,,,,شتلات الورد من الحبق والرياحينا
أهلاً بمن خط على جدران منتدانا ,, جميل القول والقبيح المشينا
فكلُّ الكلامِ يحلو في جامعتنا,,ولو كان زبداً وغثاً أو كانَ دسماً و سَمِينا
جامعتنا منارة الأدب ,,فشهدوا ياشعراء على كلامي وقولوا يارب آمينا
بعين الرحمن درةٌ محفوظة ً ,,فيا إلهَ العرش لاتخيب أمانينا
الشاعر غسان أبو شقير
ليست هناك تعليقات:
إرسال تعليق