شو هالحكي ؟!
شو هالحكي ؟!
إنتي القمر إنتي القمر
دخلِك دخيلِك شو بكي
وعيونك بتاخد صور
من ناس خِلقا مشربكي
حاجة تقولي ملبكي
شو هالحكي؟!
شو هالحكي؟!
.
عازمك انا بسهرة سمر
آنا وإنتي والقمر
نذكر ليالي الولدني
ونسترجع شوية صور
كيف اللي شدك شدني
وخلاني إعشق للسهر
بلكي المحبة تنبني
عا أرض صلبة من الطهر
وتعززي فيني الثقة
وتتذكري ليالي الشقا
كرمال ماتتلبكي
شو هالحكي تتلبكي؟!
شو هالحكي؟!
شو هالحكي؟!
.
قديش كنت بضمك لصدري
وإيدي لحالا تلاعب الخصلات
والتانية تضم الخصر
والتم ينضح من الشفا دنان الخمر
متل العسل طعمو شهي
ليش الحكي
حاجة تقولي ملبكي
شو هالحكي؟
شو هالحكي؟
.
عيونك بقت عندي الدني
وشفافك الشهد الهني
وخدودك اللي بتشبه التفاح
منهن تعلمت التريث بالجني
وجبت القمر حدك بقي
ونجوم ياللي بالسما
صارت عاإيدك ترتكي
ومعقول لسا ملبكي
ايييييييييه
شو هالحكي؟!
شو هالحكي؟!
الشاعر مصطفى نجار
١٩ / ١ / ٢٠٢١
ليست هناك تعليقات:
إرسال تعليق