هلال البنا في
ناس وناس
:::::::::::::::::::::
السنه بدايتها. راس
واحتفال ملهوش أساس
في العواصم والبلاد
مع كورونا عيد ميلاد
والكريسمس ناس وناس
ناس بتقعد في التراس
عالكراسي راس لراس
وناس بترقص وياناس
بالفانللا وبالمداس
والليالي في الكريسمس
ليله حلوه وليله غنوه
هما ناس واحنا ناس
والهديه في الجراش
سياره موديل ماجاش
وأحلى ورده للعروسه
بس ترضى عالعريس
والليلادي ليله حلوه
فيها ناس مش زي ناس
أحلى فرحه حلوه جيه
وليل جميل وميه ميه
والمكان جديد عليا
وانا ليكي وانتي ليا
ولا فيش عزول خلاص
والحياه تبقى انتعاش
موز ومنجه وآناناس
وقعده حلوه ف التراس
والإنعاش مليان بناس
بحر هادي وموج ماجاش
وميه رايقه عالمقاس
شط والممنوع تماس
والهدوء بلاش حماس
إنتي القشطه والقلاش
والصور من غير فلاش
فيها ناس لابسين بلاش
وناس بتمسح في المداس
أو بتكنس في الجراش
وناس ماتعرفش التعاسه
جايه ترقص بانتعاشه
ومطفي نور مقطوع مجاش
أصل نورك في حضورك
ولولي مع ألماظ وماس
ليله حلوه في الكريسمس
حفله فيها الكل يرقص
شرب ميه وفيها نغطس
عام وفات خلينا نخلص
واللي جاي مش حد يطفش
بس أوعى مره تعطس
أو تكح أحسن هاتفطس
والكرونا جايه تكنس
الكريسمس للي عاش
عمره كله في بالمقاس
واللي عمره وكل أمره
في الحياه بطوق نجاه
والمعاش عاوز التماس
لما تقوله في كريسمس
يبقى رده فيك يامشمش
ولما تقوله هي ليله
تفرح أو تاكل بليله
وتبقى ليله تنسهاش
قال ياعم مالي حيله
دانا شايل حمل عيله
والحظوظ ياعم قليله
إحنا الفقرا والإفلاس
والكريسمس ده مالناش
ناس بترقص ناس بتفطس
وناس بتشحت عالمعاش
أوعى كحه أوعى تعطس
والكورونا جايه تكنس
إيه جديد وياك يا فيرس
عالبلاد وعالعباد
إحتفال ملهوش أساس
والسنه لها ديل وراس
في النهايه والبدايه
والكريسمس
::::::::::::::::::::::::::::::::::
ناس وناس
بقلمي هلال البنا
ليست هناك تعليقات:
إرسال تعليق