((أعرف ناس. ))
أعرف ناس ع. الشر بتجري
تلقاه يفرح ويروح دوغري
أما ان شاف الخير يتهرب
يبعد نفسه يقول مش .شغلي
وكمان ناس علي السرقه بتسعي
فاكر كل الناس كدا لاسعه
لو سلفته بإيدك عشره
ساعة الرد يقولك تسعه
ناس علي أكل العيش شقيانه
ياكل لقمه بعين مليانه
لو يوم قولت له مالك يزعل
رده يقول أهي كدا شبعانه
وناس الحق تملي شاغلها
تجري عليه وتشدد في حيلها
ومع المظلوم ديما واقف
لو له حق في حته يجيبها
فيه ناس تانيه الغدر ماليها
تفرح بيه وبملا عنيها
توعد ديما لكن تغدر
رب الكون علي طول يجازيها
وكمان ناس فرحانه بالدنيا
قال إيه ناسيه انها يوم فانيه
فاكره الجاه والمال راح يبقي
بكره تسيبه يادوب وف. ثانيه
واعرف ناس بالصدقه بتدفع
من أموالها ولا يوم ترجع
تطلب منها زكاة أموالها
لو كام ألف تزيد ما توقع
وكمان ناس ع. الفقرا. بتجري
علي تعليمهم تدفع دوغري
وكمان يجري ويشقي عليهم
حتي ان مات أولاده بتدي
يا اهل الخير أرجوكوا تراعوا
التعبان واللي علي دراعوا
وارعوا كمان أهلكوا وجيرانكم
تلقوا الخير ولا يوم تحتاجوا
أعرف ناس ع. الشر بتجري
ليست هناك تعليقات:
إرسال تعليق