بقلمي هلال البنا
عارفك
-_-_-_-_-_-_-_-
خلي بالك إن انا عارفك
واشهد بصلاحك و إيمانك
بالخشوع إللي ف صلواتك
واليقين إللي ف دعواتك
حرصك على أوراد قرآنك
وصبح وليل بتقول أذكارك
والذكر في قلبك ولسانك
تشكر ربك عالم حالك
قادر يستجيب لرجائك
لكن هو عنده الحكمه
سبحان ربك صاحب العظمه
يستجيب في وقت مناسب
وإللي يقول ضيعت حيائك
قوله حيائي تاج على راسي
وخوفي من ربي هو رجائي
وإللي بيتكلم في حيائك
لو كان حاله زي أحوالك
يفعل أكثر من أفعالك
ويتكلم في نفس كلامك
ربنا يحفظلك أخلاقك
ويزيدك إحسان في إيمانك
أنا عارفك طول عمري وجارك
علشان كده عارف أحوالك
واشهد على أدبك وإيمانك
بأمر الله هتزول أحزانك
والخيرات تدخل على بابك
من غير ما يخطر على بالك
والخير اللي جاي علشانك
قول يارب وافرح في مكانك
باب السما مفتوح لدعائك
خدت بالك إن انا عارفك
ومن حركاتك وف صلواتك
شفت خشوعك وقت دعائك
وحرصك على أوراد قرٱنك
ليل ونهار بتقول أذكارك
ذكر الله على طول بلسانك
وصلاتك عالنبي موالك
هو القدوه وهو إمامك
وكل وازاي مش عارفك
أنا جارك طول عمري وشايفك
علشان كده أنا لازم اشهدلك
لو حد قال غير كده مش عارفك
ولا عارف. إيه يعني مواقفك
وفعل الخير في السر لوحدك
في عز الليل على مين بتخبط
وعلى أرمله بس خايفه تصو وت
أم أطفال وبنات بتعيط
والمسكين بالفقر محو وط
في التوب بيرقع ويخي يط
بتمد إيدك تمسح دمعه
تدي جعان وملهوف لقمه
والعطشان بتبل له ريقه
والغرقان لو تاخد ب إيده
وانا قاعد في الركن وشايفك
عند الجرن معدي وخلفك
متلثم بالشمله يا بختك
شايل الصره وعلى كام مره
يوم الآخره هتنول أجرك
وعند الله راح تعرف قدرك
بس انا عارفك كده من صغرك
مني قريب وقلبك طيب
بتصوم كل خميس واتنين
والقرآن في الليل بتجو ود
وللإسلام و المسلمين
تدعي دعاء لله وتردد
واخد بالك إن انا عارفك
علشان كده أنا لازم اشهدلك
إنت حبيبي وخدت ب إيدي
واتعلمت كتير من فعلك
كل جميلك لازم يجيلك
بس مش مني هيكون أجرك
أجرك لازم يكون من ربك
بس أنا عارفك
_-_-_-_-_-_-_-_-
بقلمي هلال البنا
عارفك
ليست هناك تعليقات:
إرسال تعليق