من الحبة دارو قبة..
بقلم : حميد النكادي ..
شافوك الناس
ؤُ شَلَّا كلام قالو
ما عذروك ما دَّاها
كل واحد فحالو
من الحبة
دارو قُبَّة
كلها جابد
طوالو ؤ حبالو
هدا يقول
زاغ ؤُ شبع
ؤُ رجليه طوالو
وهدا يْرَدْ
لَّا .. هْبيلْ
ؤُ حتى دْوَا
ما ينفع فهبالو
قْفَزْ يا مسكين
الحيط لَقْصيرْ
لِّي جَا يْنَقّْزو
ويقول كِوَالُو
ضرب رأس لَحْنَشْ
راه فالنْيَابْ فين
كايْن دْفالُو....
حميد النكادي
ليست هناك تعليقات:
إرسال تعليق