يا إمي ساعات الفرح سريعة
الوقت فيها بيركد ركيد
راحت إيام الولدني
صرنا كبار
صارت مسكة الإيد
إلها المعاني
بالأمس
لمس الطهارة جهار
واليوم تحرم علينا الهمس
العيون ما كانت
عن بعضها تحيد
تترصد اليوم تطليعة
إيامنا يا إمي
يا ريت بترجع رجوع
تا نكفكف دموع
ويتبدل الحال
من الصبح
البونبونة وخرجية العيد
تنرسم ع شفافنا
بسمة فصح
ونشوف حالنا
طفال
بقلمي: عبد الحميد العساف
ليست هناك تعليقات:
إرسال تعليق